وليد التونسي - أغنية علاش يا ناس / Walid Tounsi - Clip officiel - Alech ya Ness
أغـنـية "عــلاش يا نـــاس"
غـنــاء ولـيـد الـتـونـسي
ألحـان ربـيـع الزمــوري
كلمــات رضـا بركــات
وليد التونسي - أغنية "علاش يا ناس" - جينيريك مسلسل ناعورة الهواء / Walid Tounsi - Clip officiel
عيونا تملات ... بكينا بسكات
عشنا لعذاب و لهموم
الظلم يزيد ... والحق بعيد
و هكا صاير اليوم
علاش يا ناس ... علاش شبينا ... علاش المسكين نسيناه
لكن محال يدوم الحال ... ربي مازال و يحمينا
***
سوقهم نصبوه ... بنادم باعوه
و بينهم دارت لسوام
الحر نسوه ... بينهم ذلوه
و لا حنو و لا قالو حرام
على الحي يصير ... و غدوة خير
و هذيكا حكمة ليام
علاش يا ناس ... علاش شبينا ... علاش المسكين نسيناه
لكن محال يدوم الحال ... ربي مازال و يحمينا
***
ناس تعلات ... خذات و ما عطات
ماعادش رحمة لا إحساس
كل شي يفوت ... و أخرتها موت
و ما تدومش بنية بلا ساس
والله إلي خذالك غدوا خبالك ... عايشين و ديما لاباس
علاش يا ناس ... علاش شبينا ... علاش المسكين نسيناه
لكن محال يدوم الحال ... ربي مازال و يحمينا
